الله المستعان

السلام عليكم ورحمة الله


الصراحه مقدرتش امنع نفسى ان اعمل بلوج تانى من جديد علشان اكتب الموضوع ده


زى العنوان بالظبط


الله المستعــــــــــان



طبعا لا يخفى على احد الاسبوع اللى فات والتوتر والقلق اللى كان موجود


بسبب منع المنتقبات من الامتحانات اللى مؤخرا اتنفى وجود القرار ده اصلا


ما عالينا مش مهم اللى حصل


المهم فى اللى هقوله دلوقتى


بجد يا جماعه الاسبوع اللى فات ده كان اصعب اسبوع فى حياتى كلها

يارب ما يتكررش تانى ابداااا

تقريبا مفيش يوم ولا ساعه معيطتش فيها اسبوع كامل

اصلا انا وصلت لمرحله معدتش فى دموع !!

والحمد لله ربنا نصرنا

اللى انا داخله اقوله انى بجد مبسوووطه جدااااجدااا

ورغم ان الاسبوع ده كان دمار بالنسبه لى الا ان اكتشفت فيه اجمل حاجه فى حياتى

عارفين اكتشفت ايه

ان فعلا فعلا

الله المستعان

ولما الانسان بيستعين بربنا ويتوكل عليه

بيبقى حسبه وبيسرله الامور

انا اول مره بجد مشتكيش لاى حد واعيط لاى حد

غير لربنا

احساس جميل جداا

دايما لما كنت بمر بمشكله اول حاجه اعملها اروح اكلم ماما وبابا

واخواتى واعز اصحابى وبعدين اعيط شويه وادعى ربنا

الحمد لله بفضل ربنا المشاكل كانت بتتحل بس مش بفرحه زى ما توكلت على ربنا ورحتله الاول

ليه فعلا لما بنمر بموقف او ازمه بنكلم انسان ضعيف زينا ؟؟

وميقدرش اصلا يعملنا حاجه ولا يفيدنا !!

ليه مش بنلجأ لربنا الاول ؟؟

انا كل ما افتكر الاسبوع ده سبحان الله فعلا

اسرتى كلها كانت متجمعه فى الاسبوع ده

وكل ما حد يشوفنى يقولى هتعملى ايه لازم تقررى وتعرفى هتعملى ايه وهتتصرفى ازاى

نظرات بابا ليه مكنش قادر يقولى لازم تسمعى الكلام ومضيعيش مستقبلك

بس نظراته كلها تودد ورجاء ليا

انى مضيعش مستقبلى وماما كانت بتقولى يا اسلام حرام عليكى السنين اللى فاتت دى هتضيع

وفى الاخر زهقت منى وقالتلى بعد قرارها مع اخواتى لو مدخلتيش الامتحان

مش هنخليكى تعيدى السنه تانى😐

وموقف اخواتى كلهم كانوا ضدى

مستقبلك هيضييييع ازااااااااااى تعملى كده

دى ضروره الذنب عليهم ده مش ذنبك

كل الكلام ده كان بيتقالى فى اليوم كتير جدا

وانا مردش على حد وابصلهم ولاول مره ده يبقى رد فعلى

انى مردش على حد لغايه انهارده محدش كان يعرف ايه قرارى

كان كل اللى على لسانى الله المستعان

ربى انى مغلوب فانتصر

يارب استرنى بسترك الجميل

واسيبهم ومردش على حد

واروح اكلم ربنا

ايوه يا جماعه والله كنت بكلم ربنا كانى بكلم حد معايا

ومش شرط فى الصلاه لا كنت بكلمه وكنت بقول كل اللى انا عاوزه اقوله وكنت باشكوا اليه ضعفى

وكنت بطلب منه الثبات وعدم الفتنه

يااااه اجمل لحظات فعلا انك تشتكى همك للى خالقك اللى بايده كل شىء ولا يخفى شىء عليه

كلمة الله المستعان دى كنت بقرأها فى القرآن عادى

من خمس سنين قابلت واحده فى محل عادى وكنت كل ما اجى اكلمها

ترد عليا وتقولى الله المستعان

كنت مستغربه الصراحه هو فى ايه كل شويه تقولها ليه

وكنت كل ما اقرأها افتكر البنت دى فلما قولتها وحسيت بمعناها اوى

عرفت هيا ليه بتقولها على طول ومش بتسيبها

الكلمه دى لما بقولها بحس ان ربنا قريب منى اوى

حد جرب الاحساس ده قبل كده ؟؟؟

حاولوا متفوتوش الاحساس الجميل ده قولوها بقلبكم وهتحسوا احساس تانى

انا لغايه دلوقتى مش عارفه اشكر ربنا ازاى نفسى احمده واشكره كتير اوى

اللهم لك الحمد والشكر كما ينبغى لجلال وجهك وعظيم سلطانك

ياريت فعلا كلنا نتوكل على الله ومنشتكيش غير لربنا دايما فى كل امورنا صغيره او كبيره

معلش الموضوع كبير اوى بس مهم اوى صدقونى

احب فى الاخر اشكركم كلكم على واقفتكم جنبى سواء بالدعاء او حتى بالتفكير والمشاركه النفسيه

والشباب والبنات اللى قعدوا يفكروا فى حلول ليا ربنا يجازيكم خير ويعزكم

انتوا وقفتوا جنبى يمكن اكتر من اهلى

انا مكنتش متوقعه ان حد هيهتم اصلا بالموضوع وربنا خيب ظنى ده

ولاقيت احسن واجمل واقفه معايا

وحسيت اوى بحديث الرسول صلى الله عليه وسلم

“المسلم للمسلم كالبنيان يشدُّ بعضه بعضًا”،

ويقول: “المسلمون كالجسد الواحد إذا اشتكى منه عضوٌ تداعى له سائر الجسد بالسهر والحمَّى”.

جزاكم الله خيرا جميعا

سلام عليكم

This entry was posted in Uncategorized. Bookmark the permalink.

18 Responses to الله المستعان

  1. hager says:

    الحمد لله ان الموضوع عدي علي خير
    و الله كنت لسه بقول لهند بعد المتحان سبحان الله الموضوع اتسهل
    و عدي علي خير

    و انا بقول بجد ان الموضوع اثر فينا كلنا
    الواحد كان اعد يفكر هوه ليه بيحصل كده وتاكد ان اكيد من ذنوبنا
    و اعد يراجع نفسه تاااني

    و بجد زي ما قولتي احلي حاجه هي الاستعانه بالله وفعلا رغم ان الواحد في الازمات بتبقي حالته صعبه بس احلي حاجه انه بيحس انه قريب من ربنا اوووي

    بالنسبه ان حد جرب الموضوع ده قبل كده انا فعلا جربته في مشكله معينه
    بس انا مكنتش لاقيه حد غير ربنا فعلا جمبي في المحنه دي
    و الحمد لله فعلاا والله ربنا يسرها وسهلها معايا جدااا فعرفت ان احسن حاجه الاستعانه بربنا وكان احلي حاجه زي ما قولتي الحاله اللي الواحد فيها انه قريب اوووي
    و حسيت ساعتها ان ربنا بيعلمني حاجه واحده ان “ليكي مين غيري”
    و الحمد لله حياتي اتغيرت كتير بعد الموضوع ده

    و ربنا ينصر الاسلام والمسلمين ويكرمك كده دااايما ويحفظك انتي واحنا وبنات المسلمين جميعااا يا رب🙂

    • katkat89 says:

      اللهم امين يا هاجر
      تسلمى يا جميل على مرورك والدعوات الحلوه ووقفتك جنبى انتى ومامتك😀

  2. emanD says:

    الحمد لله يا اسلام..
    فعلا الانسان اما بيتوكل على ربنا بس..ربنا بيكفيه..

    ومبروك البلوج.بس هوا انتي كنتي قفلتي الاولاني ليه بقى؟!!😀

    • katkat89 says:

      الله يبارك فيكى يا ايمان وشكرا على مرورك يا جميل
      قفلت الاولانى علشان كنت مضايقه يومها وزهقانه فقولت اجدد بايه ؟؟
      فقفلته شفتى اسهل من كده قرار !!

  3. jfalconcs says:

    /*
    انا لغايه دلوقتى مش عارفه اشكر ربنا ازاى نفسى احمده واشكره كتير اوى
    */

    اقولك ازاي ،، ربنا فرج عنك هم وكرب هو بالنسبالك كبييييييييييير اوي مستقبلك كله كان متوقف عليه

    ممكن تتصدقي بأي حاجة تفرج عن ناس تانيه أزمة او هم او اي كرب
    طبعا دا بس مجرد اقتراح

    ومبروك

  4. la principessa says:

    الحمد لله كما ينبغى لجلال وجهه وعظيم سلطانة
    انا جربت الاحساس دا فعلا والحمد لله
    ===============================

    انتى نسيتى حاجة مهمة أوى يا اسلام مش واخدة بالك منها
    .
    .
    انك فعلا فرجتى هم ناس قبل كدا🙂
    ووقفتى جنبهم وساعدتيهم بالحلول وكنتى بتفكرى معاهم
    “وان تكن مثقال ذرة خير يره”” والحمد لله ربنا وراكى الخير اللى انتى قدمتية
    ربنا يجعلك دايما فى مساعدة الغير وربنا يكرمك ويوفقك يارب :*

    • katkat89 says:

      ربنا يكرمك يا بسمه ويعزك ويوفقك
      ربنا يخليكى بجد انتى وقفتى جنبى جداااا الفتره دى :*
      شكرا لمرورك يا جميل

  5. hend89 says:

    الحمد لله🙂

    • katkat89 says:

      الحمد لله رب العالمين ،، يارب تكمل على خير يا هند

      وربنا يكرمك يا هند على مساعدتك ليا ووقفتك جنبى :*

  6. Roody says:

    خير ياجميل الحمد لله ربنا ستر
    بجد فرحت لما محصلش حاجة ف اللجنة
    ربنا يكملها على خيير ان شاء الله
    وفعلااا الاحساس ده جربته جمييييييييييييييييييييييل جدااااااااااااااا
    احسن حاجة ف الدنيا ان الواحد يشكى همه للى خلقه
    وسبحان الله تلاقى المشكلة اتحلت من عند ربنا
    الحمد لله بجد وربنا يسترها معانا كلنا ان شاء الله
    سلام ياجميل🙂

    • katkat89 says:

      الحمد لله يارضوى
      الناس كلها كانت فرحانه الحمد لله ،، بس يارب يعدى باقى الامتحانات على خير يارب
      لان لسه فى شويه قلق من وكيل الكليه ربنا يسترها معانا
      وتسلمى على مرورك يا جميل

  7. key of life says:

    الحمدلله فعلا
    أنتي مش عارفه الموضوع دا كان شاغلني قد أيه لأنى ببساطه بحط نفسي
    مكانك أنتي وسماح كمان فمبقدرش أفكر خااالص
    خصوصا إننا خلاص في أخر سنة
    يلا الحمدلله
    وأنا أصلا من طبعي مش بتكلم كتير ومش بشكي كتير
    بس بقف في البلكونه كتيررر🙂
    مش بتفرج علي الناس لأ بدعي ربناا وبشكي له وأكلمه زي ما عملتي كدا
    يلاا ربنا معانا
    سلام

    • katkat89 says:

      الحمد لله يا سمر
      وحلوة اوى وقفه البلكونه دى بعملها انا كمان🙂
      تسلمى يا جميل على مرورك

  8. أبوعبيدة says:

    أولا ألف (أو أكتر شوية) مبروك
    إن شاء الله ربنا مش هيخيب رجاء حد لجأ له
    بس لى تعليق
    بخصوص والدك ووالدتك مش بالضرورة تبصى انهم كانوا ضدك أو بيعملوا حاجة غلط ممكن تتفهمى موقفهم من وجهة نظرهم

    آسف على الإطالة

    • katkat89 says:

      الله يبارك فيك يا بشمهندس ويارب تكمل على خير
      انا عارفه والله ماما وبابا بيعملوا كده لانهم خايفين عليا وممكن هما نفسيتهم كانت اوحش منى كمان
      الحمد لله على كل حال
      وشكرا لمرور حضرتك

  9. engsmsma89 says:

    اولا مبروك البلوج الجديد يا باشا
    وعقبال ما يتملى بالاخبار الحلوة والسعيدة🙂
    ثانيا الثيم دا احلى😀
    ثالثا والاهم الحمد لله الموضوع عدى ع خير
    وان شاء الله ما فيش اى حاجة هتحصل وكل حاجة هتكون تمام
    اللى انا عاوزة اقولة فكرى فى الموضوع دا بشكل ايجابى بشكل يخليكى اسعد واحدة فى الدنيا
    يعنى لما تحطى تفسير للموضوع تقولى ربنا بيختبرنى
    او ان ربنا عاوزة تقريب اكتر لية فعمل الموضوع دا
    او او ….. اسباب كتير ايجابية
    ابعدى تمام عن التفسير السلبى
    يعنى بلاش تقولى دا ابتلاء من ربنا
    بلاش تقولى بعد كدا هيعملوا اية
    فكرى نفسك ديما بالحاجة الايجابية عشان تعرفى تتعيشى مع الموقف
    وفى الاخر انتى لسة ما شوفتيش حاجة او بمعنى اصح احنا لسة ما شوفنا الوش الوحش من الدنيا هنعمل اية فى اللى بعد كدا
    بصى لنص الكوباية المليانة عشان مافيش اى حد يكسرك
    كويس اوى انك عطيتى بس اللى مش كويس انك تكونى عيطتى لاحساسك بالظلم
    طلما انتى صح يبقى خليكى صح والكل يكون مستغرب لموقفك ازاى انتى تكونى جامدة ولا اى حاجة هتكسرك طلما انتى صح

    بصى يا سلمى فى الاخر
    الصح معروف عند الكل والغلط معروف عند الكل بردوا
    فى الاخر لازم الصح هو اللى يمشى مهما حاولوا يعملوا فهمانى طبعا
    انا لولا انى ما بحبش اتكلم فى السياسية ولا ادخل فى نقاش فيها كنت اتكلمت اكتر
    بس اللى يهمنى فى الموضوع انتى مش عاوزة احس فى مرة انك انكسرتى بل بالعكس عاوزة ديما احس ان الموضوع دا ثبتك اكتر وقوى من عزمتك
    انا طولت اوى بس انا استأذتن منك😉🙂
    ربنا يوفقك ويكرمك يا سلمى
    واخيرا وليس اخرا
    الله المستعان

    • katkat89 says:

      الله يبارك فيكى يا سمسمه عقبالك😛
      تقريبا كانت شوطه فى الشله وكلنا مسحنا بلوجاتنا😆

      وانا غيرت الثيم مخصوص علشان بسمه وعلشانك🙂

      معاكى حق يا سمسمه فى كل كلمه الصح باين والغلط باين
      الموضوع اصلا مش نقاب وبس الموضوع اكبر من كده والناس كلها فاهمه الحكايه
      خير ان شاء الله وفتره وتعدى

      والحمد لله الموضوع ده ربنا ثبتنى بيه اكتر على مبدأى
      بس المشكله فى التوتر اللى كان فى البيت واللى لسه مازال موجود فى الكليه
      وانتى نفسك سمعتى كلام دكتور سيد ليا انهارده وده وترنى جدااا
      ومعرفتش احل حاجه كويس ومقلتش لحد فى البيت اللى حصل علشان ينسوا شويه
      ربنا يعديها على خير يااااارب
      وتسلمى يا جميل على مرورك :*

      ودعواتك والله المستعان😉

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s