السلام عليكم ورحمة الله وبركاته
عارفه انها متأخره سامحونى
كل عام وانتم جميعا بخير وعيد سعيد عليكم وعلى الامة الاسلامية
وربنا يتقبل منا جميعا رمضان ويعيده علينا اعواما عديده ان شاء الله 
عاوزه اكلمكم سريعا على اعظم حب فى الدنيا وابقى حب فى الدنيا وجدته
هو الحب فى الله
انك تحب شخص مش لانك هتسفيد منه بحاجه مش علشان مصلحه وخلاص لما تاخدها تنساه
الحاجات الكتيييره دى اللى بنشوفها الايام دى اللى قل فيها ان حد يحبك باخلاص ولله
مش عاوز منك حاجه
فى ناس اول ما بتشفها بترتاح ليها على طول وناس لما تتكلم معاها ويحصل موقف بينكم تحبها
وفى ناس تكون حاكم عليها غلط واول ما تتكلم وتتعامل معاهم تتغير فكرتك وتحبهم جدا
وفى ناس برده اتعرفت على اسمائهم بس ومتعرفش عنهم حاجه غير قليل على النت وتحبهم فى الله
رمضان السنه اللى فاتت اتعرفت على ناس كتير فى المسجد وحبيتهم جدا فى الله
وكان بينا اتصالات خلال السنه
واول ما رمضان جه السنه دى دورنا على بعض تانى واتقابلنا المحبه فى الله حاجه جميله اوى
اللى هيحسها اللى حب حد قبل كده فى الله طبعا الولد يحب ولد والبنت تحب بنت
قال رسول الله صلى الله عليه وسلم
( سبعة يظلهم الله في ظله يوم لا ظل إلا ظله …… ورجلان تحابا في الله اجتمعا عليه وتفرقا عليه ……. ) رواه البخاري
ومسلم
(إذا أحب أحدكم أخاه في الله فليعلمه ، فإنه أبقى في الألفة ، وأثبت في المودة ) (حسن ) صحيح الجامع
ياريت كلنا ندور على الحب ده ومنضيعش ثوابه علشان نبقى فى ظل الرحمن
فى موقف غريب حصلى فى رمضان بعد التراويح قعدت جنبى بنت وكل شوية تبصلى وانا ابصلها عادى يعنى
المهم كانت قاعده معانا واحده كمان عارفاها من السنة اللى فاتت والبنت اللى جنبى بتكلمها بتتعرف عليها وكده
وانا مش مركزه معاها اوى وبعد كتير لما لاقيتنا بنكلم بعض وعارفين بعض من زمان
سألتنى انتى اسمك ايه
واتعرفنا وطلعت هيا كمان خريجه السنه دى بس تربية علم نفس واحنا بنتسحر مع بعض
الكلام وصل انها طلعت بنت عم امانى 
قولتلها ايه ده هو انتى ايمان رولا اللى على منتدى نور الهدى قالتلى وانتى كات كات !!
وسلمنا على بعض بقى والناس قعدت تضحك علينا قاعدين مع بعض من العشا وبنسلم على بعض الفجر
مع بعض اكتر من سنه على النت واتقابلنا فى طاعه سبحان الله
وخرجنا منها باالمحبه فى الله
كفاية عليكم كده
وربنا يرزقنا حبه وحب من يحبه وحب عملا يقربنا الى حبه
سلام عليكم
Advertisement
My Fate Said:
on September 12, 2010 at 1:47 am
كل سنة وأنتي طيبة
مش متاخرة ولا حاجة
أحنا لسه فى العيد اهو
وأكيد بتفق معاكي
أن الواحد يحب حد فى الله بجد إحساس جميل قوووووووووي
وخصوصا لو هى كمان بتحبك فى الله
ربنا يحبب فيكي خلقه دائما
أنا بحب الدعوة دي قووي
وكل سنة وأنتي طيبة كمان مرة وعيد سعيد عليكي
Hager Said:
on September 12, 2010 at 4:51 pm
كل سنه و انتي طيبه يا سيتي
حلو اووي الموقف بتاع المسجد ده
key of life Said:
on September 13, 2010 at 9:30 pm
بتبقي مواقف حلوه اوي
كل سنه وانتي طيبه يا اسلام
وعيد سعيد