انساها ولا اعمل ايه !!

السلام عليكم ورحمة الله وبركاته


يا جماعه انا عندى مشكله مسيطره عليا ومش عارفه اشيلها اصلا من دماغى

:(

عندى هوايه ومش عارفه استغلها خالص هيا غريبه ان افكر فيها دلوقتى بس غصب عنى


انا بحب الرياضيات اوووووووووى وعاوزه ازاكرها تانى من جديد او احل مسائل مش عارفه ليه


:(


بس انا زعلانه اوى لانى مش عارفه اتصرف فكرت ادى دروس


بس محدش مساعدنى فى الموضوع ده


ازاى ابقى خريجه حاسبات ان شاء الله وفى الاخر افكر ابقى مدرسه

هل ده جنون وهبل ؟؟

:(

هل ده مينفعش فعلا انا اه بحب كليتنا ودراستنا اووى ولو خيرونى ادخل ايه هدخل حاسبات برده بس


الرياضيات حبى ليها يغلب كتير اوى وحاسه انى نفسى اعلم الناس كلها رياضيات



بس مش لاقيه حد اعلمه قرايبى اللى كنت بساعدهم دخلوا الكليات خلاص :(

اعمل اييييه نفسى احضر حصه رياضه يا ناس نفسى افكر فى مسأله زى زمان :(

سؤال بجد  هل ينفع بعد الكليه ان شاء الله ابقى مدرسه فى مدرسه ولا لازم اخد تربوى والشغل ده

اللى ليه فى التدريس يقولى الله يكرمكم

ضروووورى جدا

سلام عليكم

About these ads
This entry was posted in Uncategorized. Bookmark the permalink.

11 Responses to انساها ولا اعمل ايه !!

  1. Dina Shaldoum says:

    احم احم
    انتى عايزه تشتغلى مدرسه … بس ساعتها هاتبقى مدرسة كمبيوتر مش رياضيات :D
    خلاص امسكى نور وكرهيها فى خالتها اسلام واقعدى اديها فى دروس رياضيات :D

    اسلام نصيحه ماتقعديش لوحدك كتير فى الضلما :P :D :P

    • salma says:

      داخله تتريقى عليا يا دينا :(

      ربنا يسامحك بس ان شاء الله لازم اشوف حل للموضوع ده ومش هزهق

      وبكره تتحايلى عليا يا دينا ادى دروس لعيالك :P

      وساعتها هقولك لا انا مش مدرسه :P:P

  2. JFalcon says:

    سلام عليكم
    طيب ماهو ممكن حضرتك أفضل تستغلي الرياضيات في مجالك اللي اعدتي فيه 4 سنين واللي هو مفروض بيحددلك مستقبلك

    مجالنا أصلا مبني علي الرياضه البحته
    أساس الكمبيوتر أصلا والخوارزميات هو الرياضيات

    فممكن حضرتك تهتمي بالرياضه عن طريق مجالك

    ######################

    برمجة الألعاب بتعتمد علي الفيزياء والرياضه
    بس الفيزياء بشكل أكبر
    وهي ممعته جدا

    لو حضرتك حابه تدخلي في المجال دا
    ممكن تستخدمي
    C# + XNA

    أو
    C++, OpenGL

    انا افضل
    C#
    لان حضرتك درستيها قبل كدا وقريبه من الجافا + ان تعلم السي بلس بلس مش هينجزك في الوقت

    ####################

    اقتراح اخر
    ممكن تشوفي مجالات البرمجة في علم الرياضيات وتبدأي تهتمي بيها

    واقتراح اخير
    ممكن حضرتك تدرسي كلية العلوم بعد الكلية وتدخلي قسم رياضيات

    • salma says:

      رأى حضرتك مظبوط وفكرت فيه بس هو فى حاجه

      انا مش عاوزه احبط نفسى واقولها بس هضطر اقولها علشان تفهموا كلامى

      انا ليه فكرت كده علشان فرص العمل للمنتقبات زيرووو فى مجالنا ده :(

      بس ده كلام واقعى صح مهما كانت المنتقبه شغلها كويس هتبقى الفرصه قليله جدا

      انما لما فكرت فى المدارس فى مدارس اسلاميه خاصه كتير وفى مدرسات منتقبات كتير معتقدش هيبقى الموضوع معقد

      مش عارفه بصراحه حاسه ان الموضوع بيتعقد معايا

      طيب انا لو اتعلمت برمجه العاب ودخلت الرياضه فى البرمجه ايه الخطوه اللى بعد كده

      هوصل برده ان مش هعرف استغل التعليم ده فى انى افيد المجتمع مفيش شركات هتوافق :|

      هل ممكن اشتغل من البيت فى مجالنا ده ؟؟؟

      ياريت لو حضرتك تعرف حاجه عن الموضوع ده تفيدنى وجزاك الله خيرا

      ———-

      بالنسبه لانى ادرس تانى كليه بعد حاسبات فده مستحييييل طبعا

      ده انا كده فعلا اوهب نفسى للتعليم احسن

      ايه الذل ده :(

      وشكرا لمرور حضرتك

  3. My Fate says:

    يااااااااااه فكرتيني بأمنيتي أني أطلع مدرسة انجليزي
    أو مترجمة
    كانت امنية عندي
    وكنت كاتبة كلية اداب رغبة تالتة بعد هندسة على طووول

    هو انا بأتفق جدا مع رأى البشمهندس
    الرياضيات أساسية فى مجالنا وممكن تدخلي مجال الألعاب
    والديركت اكس كمان فيه شغل رياضة كتير
    والبنات فى المشروع عايشين حياتهم رياضة مع الديركت اكس
    أنك تبقي مدرسة لازم تاخدي تربوي إلا لو كنتي خريجة آداب مش شرط تحتاجي تاخدي تربوي
    بس أنا مش مشجعة للفكرة دي بعد دراسة 4 سنين حاسبات
    وربنا يوفقك :)
    سلام

    • salma says:

      لا تربوى لا طبعاااا مش داخله انا كليه تانيه ونعيد الموال من جديد

      برمجه الالعاب مغريه جدااا ونفسى اتعلمها والله واعمل حاجات كتير كفايه انى فيها رياضه زى ما بتقولوا

      بس هل ينفع ان اتعلمها واشتغل مع نفسى

      يعنى فكره التسويق والكلام ده حد عارف فيها حاجه ؟؟!!

      او اشتغل تبع شركه بس فى البيت زى ما قولت قبل كده

      لو عارفه حاجه عن الموضوع ده انصحينى بيها الله يكرمك

      وشكرا يا جميل على مرورك :)

  4. Hunikal says:

    سلام عليكم :)
    تقريبا هقولك نفس الكلام اللي قالة فلكون
    ان انت تهتمي بالرياضيات في المجال بتعنا و الالجورزمات
    ولول بتفكري لادام-ودة صح جدا- برضو مجال الشغل بالـ Free lancing & outsourcing هم حاجة واحدة تقريبا
    بس تمسكي بالحاجة اللي انتي حباها اوي

  5. salma says:

    @ dina

    ايون كده ادخلى قولى حاجه مفيده :D

    شكرا يا جمييل ربنا يكرمك وهشوف الموضوع حالا

    تسلمى لمرورك يا دينا :)

  6. شو !!! نعم !! says:

    أنا مثلج ياحبي للرياضيات

    الله يوفقج
    في حبج^^أختج
    Mimo
    من الإمارت

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s